الخنزير هو الحل ! ! !

إنه الحل لكل مشكلات العصر ..ومش العصر بس .. دا العصر والمغرب والعشاء.... وايجاد لكل الفرص الضائعة .. والغائبة ... واللى ناوية تتضيغ وتغيب ... انه الحل لجميع المشكلات والمعوقات .. هو الحل السحرى ...هو مرض انفلونزا الخنازير .... الخنزير هو الحل.
وفيما يلى رصد لكل المشكلات التى يعانى منها المجتمع ... ولكن للاسف ... لم يستطع المجتمع اللى بيعانى من حل تلك المشكلات اللى بيعانى منها... وعلى ما اظن ان المشكلات هى اللى بقت تعانى من المجتمع ... وقد جاء الخنزير لكى يقدم الحلول على طبق ... طبق فاضى…... ويريح المشكلات اللى محدش عارف يحلها.

المشكلة السكانية

عشان نحل مشكلة الكثافة السكانية اللى بقالنا كتير قوى مش عارفين نحلها ... دلوقتى انفلونزا الخنازير جت عشان تحل الموضوع... عشان طبعا الخنازير .. لو انتشرت ... ممكن تاخد فى وشها كدا ... يعنى 10 مليون .. يعنى مثلا لو مات 10 مليون ولا 5 مليون .. يبقى كدا قضينا على الكثافة السكانية .. وطبعا ربنا يرحم اللى هيموت ... بس فى ناس كتير ماتوا... ولازم ناس تموت ... عشان ناس تعيش ... احسن ما من ما نعرفش نعيش كلنا ...ولا ايه .. ويا خنزير يا معيشنا .

مشكلة النظافة

*كانوا زمان جايبين مدام نظيفة ... ال ايه عشان نبقى نضاف .... دلوقتى جه الخنزير ... عشان نبقى نضاف " مع ان الخنزير دا معفن " كان لازم يجى مرض زى دا عشان يخلى كل حاجة نضيفة ... ونبقى مجبريين ان احنا نبقى نضاف احسن يجلنا المرض ونموت ... هنيجى على نفسنا شوية ونبقى نضاف ...... ويا خنزير يا منضفنا.

مشكلة المواصلات

طبعا مش هيبقى فى مشكلة مرورية... وهنلاقى الشوارع فاضية ..... والمترو فاضى .... وكل حاجة فاضية والدنيا رايقة ... ولا تقولى ماتش ... ولا تقولى ساعة الفطار فى رمضان... مش هتلاقى حد خلاص
عشان تلاقى الناس خايفة تتعدى ... هتقولك افضل فى بيتى احسن ... ويبقى طبعا البركة فى الخنزير .... الخنزير دا بجد حاجة محصلتش.

مشكلة التعليم

كان قبل ما يجى الخنزير الفصل فيه حوالى 70 او 80 وكمان بيحضروا كل يوم.... انما بعد الخنازير ... المفروض هيروحوا 3 ايام ... والعدد هيبقى النص يعنى مثلا 30 او 40 يعنى العيال هتفرح ... وهتفهم ... يعنى مفيش احسن كدا .... يعنى الخنزير مش عارف يعمل ايه اكتر من كدا.

وجارى البحث عن مشكلات .... عشان الخنزير يحلها ... وسمعنى اغنية خنزيرى الجنينه.

وعشان تكونى عروسة جديدة يا دوب ادفعى 83 جنيه ... يا بلاش !!

الـــــمــــــوضــــــــوع لـــلـــــكــــبــــار فــــقـــــط " أكبر من 16 سنة :D "

"استعيدى عذريتك فى خمس دقائق.. المنتج التكنولوجى الراقى.. سرك المفزع يختفى للأبد استعيدى عذريتك بخمسة

عشر دولاراً.. بلا جراحة، أو حقن، أو أدوية ولا آثار جانبية بخمسة عشر دولاراً فقط".

طبعاً كلنا سمعنا عن خبر ... عشاء البكارة " الصينى " وحلاوة الصينى ... اللى دايما مغرقنا فى كل حاجة .... والصينى كان فى جره وطلع لبره ... لا دا طلع لبره ودخل لجوه كمان... يعنى هو فاضل ايه تانى الصين تعمله ... دا حتى غشاء البكارة .... يا وقعة مطينة ..

طبعا دا هيوضح مدى التريبة لناس المتربية " اللى هما بقوا قليلين قوى ... لظروف أسرية قهرية متنيلة بنيلة " لان مفيش بنت متربية ممكن تعمل كدا إلا لجوزها ... ايوا لجوزها ... انا كنت بسمع ان فى رجالة بتحب البنات البكر ... وبيقى عندهم لذة للموضوع دا ... وممكن يطلب من مراته انها تعمل عملية عشان تبقى بكر تانى ... طبعا دلوقتى مفيش عمليات خلاص ... 5 دقايق بس ... وبكام 83 جنيه ... وتبقى بنت بنوت ... ويا بلاش ... وربنا يخليك يا صينى .

وطبعا مع كل عيد جواز ... تلاقى المدام ... عروسة من الاول وجديد ... ولسه بشوكها ... ويمكن يعملوا فرح من اول وجديد .. والله يسهل لهم .

طبعا هتلاقى نسبة " المدمات " لـ نسبة " الانسات" مفيش .... الأنسات هيبقوا أكتر بكتير طبعا .. والبركة بقى يا جماعة فى " ابو 83 " .

بس يا ترى البتاع دا بيتركب ازاى؟! ... ويا ترى فى منه مقاسات ؟! يعنى فى حجم عائلى وحجم عادى وكدا يعنى وايه ؟ ؟... واكيد طبعا لازم يبقى معاه كتالوج .. احسن واحدة تركبه غلط وتبقى وقعتها مطينة وتروح عند الدكتور يعملها عملية وتبقى كدا يا خسارة ...... تبقى خسرت ال 83 جنيه ... ولا هى فلوس حرام !!!

ويا ترى بقى البتاع دا .. هيبقى ليه مدة صلاحية ... يعنى بيقعد قد ايه ... يعنى كان فى فيلم " يا دنيا ياغرامى " لما الهام شاهين عملت العملية قالولها فى خلال اسبوعين .. يا ترى دا بقى نظامه ايه

طيب سؤال تانى... هى اليابان مش هتعمل غشاء هى كمان ؟؟ عشان يبقى عشاء اصلى ... مش صينى .. وساعاتها بقى تبقى حرب بين العشاء الصينى .. والغشاء اليابانى ... بس اكيد اليابانى هيبقى فيه اوبشن اكتر واحسن من الصينى .

والضمان يا جماعة .... اهم حاجة الضمان .... افرض الغشاء طلع مضروب .... ولا حاجة ... يعملوا ايه ... لازم يبقى فيه ضمان ... عشان حقوق المستهلك .. قصدى المستهلكة

واكيد طبعا يا جماعة لو فى اقبال ... هتلاقى السعر والاوكازيون .... اشترى بكارتين .. وخدى البكارة الثالثة هدية

ولا الاعلان اللى هيجى فى التلفزيون .... يالهوى ... ازاى هيعلموه ... ممكن مثلا يكون ... غلطتى من صاحبك ... ومش راضى يتحوزك ... إليكى الحل ... ارجعى زى الاول ... واتجوزى سيد سيدوووووووه فقط فى خمس دقائق .. و83 جنيه ... بدون الم .. بدون جراحة ... وطبعا هيبقى بدون أدب .. وبدون اخلاق


طبعا يا عينى ع الرجالة اللى خلاص مش هتتجوز خالص... يعنى هما ناقصين شك ... ازاى هما هيعرفوا دا عشاء صينى ولا طبيعى ... اكيد بقى هيقضوها هما كمان والبلد هتبقى مسخرة .. وزغرطى يا منحرفة منك ليها ... بس هى الصين مش ناوية تعمل حاجة للرجالة ولا ايه ؟.
وطبعا الرجالة اللعيبة ... هيجيبوا من المنتج دا كتير ... عشان المزز اللى اللى هيلعبوا معاهم ... وفى الاخر هيدها الغشاء الصينى ... ويقولها ... كدا نبقى خالصين





هو طبعا يا جماعة البنت بتبقى محترمة مش بغشاء البكارة ... اكيد طبعا باخلاقها وسلوكها ... بس برضوا أكيد مفيش بنت محترمة تتدى غشاء البكارة بتاعها لواحد صاحبها ... وتروح هى تجيب الغشاء الصينى ...


طب دا فى بنات بتعمل كل حاجة... كل حاجة ... هاااااااااااااااااااااه كل حاجة ... وبتفضل بنت ... وكان محدش عملها حاجة ومن غير صينى ومن غير عمليات ... بس بتعمل كل حاجة .


طبعا يا جماعة البنات المحترمة بجد هى اللى هتضيع فى الرجلين ... هيعرفوا منين ... ما دلوقتى بقى كله زى بعضه .. والحسنة تخص .. والسيئة تعم ...
زمان كانوا يقولوا الست زى البطيخة ... والشرف زى عود الكبريت ... انما دلوقتى ... الست بقت زى الستوسة .. تتفتح وتتقفل عادى جدا ... وطبعا الشرف ميقاش ولاعة ... بقى بتوجاز ... وخمسة شعلة كمان
وفى سؤال تانى... هو يا ترى الصينيات ... بتسخدم المنتج دا ؟؟؟ لو كانت الاجابة بــ لا يبقى دا ان احنا لازم نكون فى انتظار العروسة الصينى .. ونشد حلينا شوية بقى عشان نجبها
الشرف يا جماعة سلوك ... بس الشك صعب على البشر قوى ... فى ظل اختلاط الحابل بالنابل ... هنقول ايه ... استرها علينا يا رب

الشرف بقى صينى يا جماعة ....والشرف دلوقتى بقى بفلوس ... والعفه بتباع بالجنيه ... ما هو صحيح الجنيه غلب الكارنيه ... وأحلى من الشرف ..... مفيش!!! .. ولا فيه ... الصينى.... احلى من الصينى مفيش !!!

أنا مش متربى .... بس مش قليل الأدب !!!

التربية... كلمة كبيرة لا يعرفها الا الكبير الذى يكون مثلها والتربية فعلها يكون اكبر من معناها ... لكن الان سوف اتحدث عنى .. " ياجماعة انا مش متربى " هذه هى الحقيقة أنا لم أجد من يربينى كنت اشبه بكتكوت أو كلب أو قطة فى المنزل ... الكتكوت صحى ... الكلب أكل وشرب .. القط نام ...
مش معنى ان راجل وست يخلفوا ولد ولا بنت يبقوا علموا معجزة كونية .... طيب لو سألت نفسك هو يا ترى انا متربى ولا لا؟ تفتكر هتقول ايه ؟؟؟

اقول أنا هتقول أكيد بدون تفكير ... طبعاً متربى !!!بس لو دورت هتلاقى نفسك مش متربى ولا حاجة انت مين اللى فاضى عشان يربيك ... أبوك هيبقى فى الشغل .. وأمك مش فاضية أكيد عندها شغل البيت او بتشتغل فى حته تانية ... يبقى انت بقى يا عينى ملكش حد يربيك .. أبوك وأمك كل همهم أنهم يأكلوك .. وينيموك .. ويشربوك .. ويلبسوك .. ويعلموك فى المدرسة اللى مبتعلمش حاجة .. بس اهو اسمهم بيعلموك...
فين بقى التربية فى دا كله ... اوعى تقول ما المدرسة تبع وزارة "التربية" والتعليم هقولك هو فى تربية ولا فى تعليم ... احنا يمكن بنتعلم من زمايلنا وبنتربا مع بعض .. ونشوف ايه الكويس ونعمله مع بعض .. وبرضوا نشوف ايه الوحش ونعملوا هو كمان !!! حاجة طبيعية .
يبقى الحاجات اللى ممكن تخليك بنى ادمك متربى البيت مفيش .. المدرسة .. الله يرحمها .. النادى "لو كان فى " وغالبا هتتعلم تلعب طاولة وكورة وبس

هتلاقى بقى نفسك فى الشارع والشارع فيه كل صنف وكل لون وعلى حسب ما انت عاوز ... عاوز تكون إنسان كويس .. هتكون... لو مكنش فى بيئة كويسة تساعدك .. حاول متكونش قليل الأدب... وخليك مش متربى.

"ليه يا ماما ربتيني" .. صرخة الشباب المتربى

هل تتخيل أن يأتى وقت يعاتب فيه الأبناء أمهاتهم قائلين :" ليه يا ماما ربيتينى"؟!، هذا هو ما يحدثنا عنه عدد كبير من الشباب، تعبيراً عن اهتزاز المبادئ التى ربتهم عليها أمهاتهم بعد خروجهم إلى مجتمع جعل شعاره "خد وهات علشان عم عشم مات"." الغلطة الوحيدة اللى أمى عملتها معايا .. إنها ربتنى صح"، هذا هو رأى سمر فتحى (21 سنة)، فهى ترى أن والدتها هى سر تعاستها لأنها ربتها "أحسن تربية" تقوم على مبدأ (اسمه) الاحترام."كان نفسى أكون واحدة بجحة .. بس أمى معلمتنيش ده"، قالتها نور بحرقة شديدة نظرا لضياع حقها فى حياتها بسبب كونها محترمة "ومش بترد على الأكبر منها"، وتساءلت، "هل هناك أى شيء يمكن أن أفعله حتى أكون بجحة وأعرف آخذ حقى؟"."عارفة المشكلة إنك بتتعاملى مع ناس مش متربية .. وانتى متربية"، هكذا اختصرت سهى (19 سنة) مشكلتها، فهى ترى أن تربية والدتها جعلتها تفشل فى حياتها العملية بسبب أنها تتعامل مع شخصيات غير متربية التربية السليمة."أوقات بسأل نفسى أنا أمى ربتنى ليه .. يعنى هى مش حاسة باللى بيحصلى نتيجه تربيتها أنا مش هعمل مع عيالى كدة"، قالتها ياسمين مصطفى (19 سنة)، التى قررت وكنتيجة لمعاناتها جراء تربية والدتها لها أن تسلك فى تربية أبنائها مسلك آخر أكثر واقعية، وهو "خليك مع المحترم محترم ومع قليل الأدب زيه".إذا كان هناك فئة من الشباب الذين رفضوا مبدأ تربية الآباء لهم التربية السليمة، التى جعلتهم لا يعرفون كيفية الرد على الأشخاص غير اللبقين أو التعامل معهم، فهناك بعض الشباب وخاصة الأولاد التى وجهت الشكر إلى أهلها لجعلهم "عيال مخلصة بتعرف تجيب القرش من بق العو"، فكثير من الآباء حاليا اقتنعوا بمبدأ أن "القطط المغمضة" لا تستطيع أن تعيش فى ذلك الوقت وأن زمنها قد ولى وانتهى، ولذلك فهم يعتمدون فى تربيه أبنائهن بمبدأ التخشين وليس الاحترام."أحسن حاجة فى أبويا إن هو قالى بص يا بنى، الناس كلها قليلة الأدب فأكيد انت مش هتكون الوحيد المحترم"، ويقول أحمد صبحى (19 سنة) إن أفضل شىء قام به والده هو إعطاؤه تلك النصيحة الواقعية" مش كلام شعارات وحوارات فاكسانة"، ويضيف أنه بتلك النصيحة يعتبره الناس "واد صايع"، لكنه يعرف يجيب حقه لنفسه و"محيش يقدر يقوله ثلث الثلاثة كام"."أول ما اشتغلت كنت باخد على دماغى لأنى كنت محترمة، وبعدما رميت تربية ماما وابتديت اتعامل بقلة ادب بقوا يحترموني"، هكذا اكتشفت حسناء (20 سنة) أن تربية والدتها هى بمثابة عقاب لها مدى الحياة ولا تستطيع أن تفلت منها إلا إذا تجاهلت هذه التربية المحترمة "اللى لا تجيب حق ولا باطل"، والسبب يكمن فى وجهه نظرها أن الناس "بقوا بيئة"، ولا يوجد "حد نظيف" يستطيع أن يفهم الفرق بين الاحترام وضعف الشخصية."خليك مع المحترم محترم ومع قليل الأصل ابن حرااام"، هذا هو الشعار الذى رفعه معظم الشباب، ومنهم محمود السيد (19 سنة)، حيث يوضح أن عدم الاحترام مع الناس كلها يعنى الهروب وضعف الشخصية، لأنك تتعامل مع الناس بمبدأ واحد وهو "ان كلهم ولاد تيت"، ولكنك تتعامل مع "ابن التيت" بلغة التيت، وتعامل مع المحترم بلغته.ويضيف شادى (22 عاما) إن والده أعطاه نصيحة غالية بعد ما أدرك أن تربيته كمحترم فشلت "ومبقتش جايبه همها"، فقال له "خليك زى الثعبان" تغير جلدك حسب التربة "اللى انت فيها" مع العلم أن أبويا كان منحاز جدا للاحترام.

طبعاً المقال دا انا جبته من جريدة اليوم السابع الالكترونية .. بس يا ترى هو فعلاً بنسأل نفسنا ليه احنا اتربينا " إذا كنا متربيين اصلاً" وللاسف يا سادة نحن لسنا من من الجيل المتربى نحن جيل اشبه بالجيل العاجز.. جيل وجد اباه وامه يكافحان فى الدنيا من اجل لقمة العيش ... لم يكن لديهم الوقت الكافى لكى يقوموا بنشأتهم نشأه سليمة بل على العكس ... وكان ينحصر دور الأب والأم فى " المم" وكان الاولاد اشبه بالكتاكيت .... وياترى " الكتاكيت كلوا النهارده؟؟!! وبس مش مشكلة هما نفسيتهم عامله ايه... مش مشكلة هما كويسيين ولا لا .. مش مشكلة حاجات كتير ... بس برضوا هما اكيد معزورين ... بس مادام هما معزورين .. خلفونا ليه ...؟؟

علمنا السكوت

علمنا السكوت

إنه ما كل من يضحكـ مع الناس مسرور

عـلمنا السـكوت

أن نفرض على الجميع إحترامنا

عـلمنا السـكوت

هذا المثل عندما قال ( ناظر شموخ المجد تعرف عزتي )

عـلمنا السـكوت

أن الإنعزال عن الناس , عذاب ممتع !!

عـلمنا السـكوت

أن لا نجرح مشاعر الآخرين لأن الإنسان يشبه الصورة تماماً إذا مزقتها يتحطم

عـلمنا السـكوت

أن التفكير الذي لا ينتهي يجعلك توصل إلى ماتود الوصول إليه

عـلمنا السـكوت

أن نسكت والناس يتحدثون ولا نتدخل بينهم فالسكوت من ذهب

عـلمنا السـكوت

أن نتحمل ما يأتي من الصديق والجار والآخرون ربما يبذر منهم كل ذلك بسبب الغضبوالقهر وأن نسامح من ظلمنا( وكن رجلاً على الأهوال جلداً , وشيمتك السماحة والوفاءُ )

عـلمنا السـكوت

أن الشجرة مهما ماتت بعدم الوصول الماء إليها فإن أغصانها تبقى شامخة عالية

عـلمنا السـكوت

إن الحب تراه في العيون والقلوب وليس في الحياة بالأصابع أو الحركات

عـلمنا السـكوت

أن نكون فخورين دائماًِ بكل أفراد عائلتنا ,,وأن نكون على ثقة وأمل بروعة وجودهم في الحياة

عـلمنا السـكوت

أن لا نظلم أحداً بل نكون عادلين ولا نميل لأحد

عـلمنا السـكوت

أن نكون دائماً متواضعين وليس متكبرين

علمنا السكوت

أن لا نهدي قلوبنا لمن لا يستحقها

علمنا السكوت

أن المشاعر والأحاسيس هي من أجمـل صفات الإنسان ((احســــاس))

عـلمنا السـكوت

أن نساعد من يحتاج إلى شئ لكسب إحترامه ومودته وحبه لنا

عـلمنا السـكوت

أن نكون اعضاء فعالين في المجتمع حتى نقوم بدورنا على أكمل وجه

عـلمنا السـكوت

أن كل شخص لـه طابع خاص يختلف تماماً عن طوابع الآخرينوأن طبعنا هو عزة النفس وكبرياؤها

عـلمنا السـكوت

أن الثقة بالنفس تجعلك دائماً في العلالي ولاتجعلك من أدنى المستويات

عـلمنا السـكوت

أن إحترام الغير ليس خوفاً منه والميل للمصلحة لا إنما لكسب إحترامه لنا أيضاً

منقول

الصـــمـــت

الصمت ..

يمنحك طاقة قوية للتفكير بعمق في كل ما يحصل حولك والتركيز بعقلانية على إجابتك.

الصمت ..

يجعلك تسيطر على من أمامك من خلال نظرات محملة بمعان غير منطوقة، تجعلهم حائرين في تفسيرها.

الصمت ..

المصحوب ببعض الحركات والإيماءات يرغم من أمامك على البوح بما داخله فيقول أكثر مما يريد فعلا.

الصمت ..

يولد لدى الآخرين شعورا بالغيظ الشديد لأنهم يعتبرونه هجوما مستترا، فتكون الأقوى من دون كلام ولا تعب.

الصمت ..

هو الحل الأفضل أمام المشاكل الزوجية التافهة.

الصمت..

في المواقف الصعبة يولد الاحترام، بعكس الصراع والجدل الذي يولد التنافر والحقد.

الصمت..

يدمر أسلحة من تتشاجر معهم ويجردهم من القدرة على مواصلة الكلام.

الصمت ..

عندما يصمت شريكك أصمت أنت أيضاً فيتساءل عن سبب صمتك ويبدأ هو بالكلام.

الصمت..

يعلمك حسن الاستماع الذي يفتقده الكثيرون.

الصمت .

.فن حاول إتقانه ولن تفشل أبدا في تحقيق ما تريد في أي وقت وفي أي موقف.

منقول